作者序
一欉小花蕊－－「颱英雙語童詩集」齣版的頭序 李秀
平常時愛寫小說佮散文，童詩毋捌想過欲寫。佇一個溫和的黃昏，音樂傢黃友棣教授，看著我綴兩個小乖乖，佇文化中心的草埕歡喜走相逐，而且嘴裡哼唱一寡外國的童謠，伊沉重按呢講：「你們這些文字工作者，該為下一代寫些童詩，不要老叫他們毫無選擇的接受外來東西。寫齣來！我樂意為他們譜麯。」長者諄諄，聽者謹記在心。自按呢，我完全投入毋單是詩、嘛是童心的境界。
「童心是人類內心遙遠的故鄉。」真密貼點齣我創作童詩的心路過程。文學創作會當抒發理念佮情懷，尤其寫作兒童文學，愈會當將一個人的童心牽勾齣來，親像共失落足久的寶物揣轉來身軀邊仝款。因此，一片一片的雲彩、一蕊一蕊的花草、一點一點的雨滴…化作囡仔時幼柔的目睭所看著的世界。尤其我厝裡彼兩個學琴的後生、查某囝，予我真濟創作的靈感。
兒童是人生發展中一個重要的階段。怹的幻想、好奇、同情、想像……差不多生活佇傢己的天地內麵。事實上，兒童本身就是一部真好的文學。譬如，國小低年級的同學，若看會著的、摸會著的，攏真好玄、有趣味，這是一種純真的直接反應，伊袂考慮其他方麵的影響。親像風颱來矣，伊袂想著風颱帶來的災害，因為伊毋免上課、爸母毋免上班，閣再講風颱的勢麵佮新奇，會當引起伊足大的刺激感。
世界在怹看來，人參萬物攏是一傢。伊看幼星袂振動，嘛會使講是一群無聽話的囡仔，予月娘老師罰徛佇天頂麵；雷公大概予雷兄弟惹受氣纔會發赫大的脾氣；小雨點愛四界跳舞蹉跎，有的佇厝頂耍飛刀、有的跳落河內遊泳、有的淋佇土跤佮花蕊姐仔開講……這款參天地萬物閤一的情懷，真正是人生上美妙的時段。
高年級的同學，身心有足大的發展，求知慾增加，理智咧發育，獨立的個性慢慢形成。求知欲、正義感、愛冒險，時常佇生活中展現齣來。像「今仔日」、「空氣」、「阮咧彈琴」……等等，就是怹的縮影。觀察童心變化，是寫作童詩上大的快樂！這本童詩集起初是用華語創作，其中十二首，黃友棣教授已經譜成麯，予「兒童唱歌得著快樂」是伊上大的嚮望。
華語版有得著高雄市文藝獎，頒獎時嘛捌佇高雄文化中心予小朋友錶演過。評審所講的「這些著作跳齣前輩童詩作傢的錶現手法，具有獨特的創意。」現在經過十幾鼕的歲月，我將它翻譯成英文。
續落來，閣予鬍長鬆的「踏入臺文，世界會愈曠闊」觀念影響。起先我有翻英文比翻臺文閣較簡單的感覺，真歹勢！我是正港的臺灣人矣，呔會使有這款想法。宋澤萊嘛按呢講「佇異鄉寫傢已的母語，會當消除思鄉的痛苦」。佇溫哥華每一個寒冷的暗暝，我猶閣投入臺文的兒童世界，發現用臺文書寫真正是貼肉黏骨。用母語寫童詩，是這世人創作過程中上界美好的感動，伊深深挖掘傢己生命中存囥的詩意，親像遊子佇他鄉遇著久年失散的親人。
然後我以「颱英雙語童詩」係列刊登於北美一個文學組織”Writers Digest Community”，受著英語世界讀者參作傢熱烈的反應。有一個寫小說的美國作傢Timothy，伊講讀我的童詩，予伊想著19世紀一個真齣名的詩人William Blake的詩；閣有另外一個詩人，捌佇咱颱灣颱北美國學校教過冊，伊講遮的颱英童詩是一本會當予臺灣囡仔想欲學英文的好教材……這款的嗬咾，對我來講真正是一種額外的鼓勵。
另外我特別愛感謝澤萊兄，因為伊蹛的所在袂當買著適閤的字典, 所以叫長鬆兄佇高雄寄字典來溫哥華予我，我講郵費傷貴矣，等我轉去臺灣纔講，長鬆講「佮作傢的作品相比，郵費無要緊啦！」即馬我已經漸漸看著五彩的春光矣，毋單臺文的代誌，閣有友情的感動。
這本颱英童詩集有28首，嚮望會當予小朋友、大朋友帶來一寡驚奇，一寡共嗚，知影宇宙萬物之間，攏有值得逐傢來啖糝的趣味。
