詩人：方耀乾颱華雙語詩集 pdf epub mobi txt 電子書 下載 2025

【自序】一切來自爸母佮母土：我的文學著作佮創作觀（颱語）

【輯一】詩人
詩人（颱語）
詩人（華語）
律師詩人──悼念莊柏林（颱語）
律師詩人──悼念莊柏林（華語）
湯德章公園憑弔（颱語）
湯德章公園憑弔（華語）
甘願為颱灣戰死──悼念鄭正煜社長（颱語）
寧為颱灣戰死──悼念鄭正煜社長（華語）
我欲按怎讀汝，淡水（颱語）
我要如何讀妳，淡水（華語）
淡水福爾摩莎國際詩歌節（颱語）
淡水福爾摩莎國際詩歌節（華語）
詩人舂麻糬（颱語）
詩人搗麻糬（華語）
詩人佇忠寮口湖子橋原生植物園（颱語）
詩人在忠寮口湖子橋原生植物園（華語）
詩的跤步聲（颱語）
詩的跫音（華語）
我的詩，佇淡水捷運站（颱語）
我的詩，在淡水捷運站（華語）
陶葉詩，佇忠寮（颱語）
陶葉詩，在忠寮（華語）
行佇滬尾藝文步道（颱語）
走在滬尾藝文步道（華語）
淡水的彩霞（颱語）
淡水的彩霞（華語）
觀音山（颱語）
觀音山（華語）
遠遠看坦笑的觀音──二○二二年九月十六日佇將捷金鬱金香酒店715號房（颱語）
眺望仰躺的觀音──二○二二年九月十六日在將捷金鬱金香酒店715號房（華語）

【輯二】我是虹
我是虹（颱語）
我是彩虹（華語）
虹（颱語）
彩虹（華語）
雨當時欲停（颱語）
雨何時停（華語）
彼年阮佇香港維多利亞公園（颱語）
那年我們在香港維多利亞公園（華語）
鞦收（颱語）
鞦收（華語）
飛彈揣著我的莊頭（颱語）
飛彈找到我的村莊（華語）
每一個靈魂攏是一個馬戲團（颱語）
大江大海一九四九（颱語）
大江大海一九四九（華語）
我看著我的心臟咧跳舞（颱語）
我看到我的心臟在跳舞（華語）
黃昏的安平海邊（颱語）
黃昏的安平海邊（華語）
等待玫瑰的消息──嚮烏剋蘭軍民緻敬（颱語）
等待玫瑰的消息──嚮烏剋蘭軍民緻敬（華語）

 

自序

一切來自爸母佮母土：我的文學著作佮創作觀（颱語）／方耀乾（節錄）

　　我是來自颱南縣安定鄉海寮村（現為颱南市安定區海寮裏）的一個「莊跤囡仔」。讀小學進前，我唯一會曉聽、會曉講的語言是颱語。所以拄讀小學的時，我聽無老師所講的「國語」：也就是華語。慢慢到小學二年仔我纔聽有華語。我規世人毋捌佇正式的學製內學過我的母語。所以我的寫作語言是先對華語開始的，然後閣學英語寫作，最後纔迴歸轉來用颱語寫作。如今我以推動本土語言、以及以創作佮研究颱語文學作誌業。下麵欲佮逐傢分享我的求學、創作過程以及我的文學創作觀。

　　一、我的求學佮創作過程

　　佇我猶懵懂的莊跤小學歲月裡，佇漫漫長長無聊的夏天裡，閱讀成作我心靈的寄託。假日的日時我定定椅仔攑咧，就去竹抱跤看冊，非假日就佇學校看冊。也就是佇這個時陣，我養成閱讀的習慣。彼當時差不多讀遍學校圖書室裡的囡仔冊、囡仔古，所讀的主要是經過改編過的兒童版世界名著、中國名著，以及各國民間故事集。這是我文學的啟濛時代。

　　進入多愁善感的國中期，每禮拜一擺的週記成為我抒發情感的齣口。彼時猶是用毛筆寫週記的年代，一本週記寫無幾禮拜就寫滿，一學期會寫幾偌本。閱讀方麵，主要是中國的詩詞、當代的散文美文、愛情小說等。佇創作方麵猶是輕輕薄薄，隻有寫一寡散文、幾首仔絕句、幾首仔現代詩。

　　到高中，因為荏身，這特別緻使我多愁善感，無愛齣外運動抑是佮人盤撋，規日關佇房間內讀世界小說名著、浪漫派詩歌、中國古典詩詞佮西洋哲學。也是佇這個時期，立誌欲往文學的路途行。這個階段有寫一寡散文，一寡現代詩，毋過真少發錶。

　　大學佮碩士攏是佇充滿浪漫、充滿文學氛圍的陽明山頂──中國文化大學──讀冊。因為讀的是西洋文學，佇眼界上也更加開闊，就按呢心境上也有一寡調整。就佇這個時期，奠定瞭未來欲行學術研究佮文學教育的道路。這個階段所閱讀的冊差不多攏是歐美的文學作品佮哲學論著，以及彼陣猶是禁冊的中國30年代的詩佮小說。文學創作無濟，乾焦一寡詩、一寡評論、一寡翻譯作品。

　　提著碩士學位（1987）瞭後，一九八八年佇做預備軍官的期間，開始到颱南傢專（現在的颱南應用科技大學）教英文。到甲欲30歲，繆斯女神再度來挵門拜訪，就按呢我佇課外時間動筆寫一寡詩、一寡評論。這時的詩作主要猶是以華語做書寫語言。我大約佇一九九○年開始正式研究颱語文，到瞭一九九五年間，我纔慢慢改變我的書寫語言，一九九七年以後大量用颱語書寫。一九九八年，我的第一本颱語詩集《阮阿母是太空人》得著第六屆南瀛文學新人獎。隔轉鼕（1999）《阮阿母是太空人》由颱南縣文化中心齣版，這時我拄好滿40歲，算是我「不惑」之年的獻禮。

　　我佇《阮阿母是太空人》的序〈詩佇病床頂兮阿母兮麵裡──講二十外鼕來兮心路歷程〉裡，我預告我下半生的誌業：

　　「母語對我來講唔但（m7 na7）是一個符號佮工具，伊有參著血比水閣較厚兮感情，有即塊土地兮歷史記憶，有祖先父母兮影跡，有阿伯、阿姆（a1 m2）、序細、序大結結作一夥兮生命意義。對每一個族群來講，母語是上水（sui2）兮語言；對我來講，颱語著是上水兮語言。所以我蔔用上水兮語言來寫我兮詩、我兮散文、我兮小說、佮我兮評論。……

　　即碼歲頭蔔四十也，我蔔閣再寫落去，蔔寫甲喙鬚落雪、蔔寫甲頭毛罩白雲；我蔔發一個願，發願我兮下半生蔔寫颱語文學、研究颱語文學、推廣颱語文學，若有法度蔔辦一本颱語文學雜誌、起一間颱語文學圖書館，看著颱語莩芛、釘根、開花、結果，吾願足矣。」

　　為著欲予我的發願會當圓滿成就，我以45歲的年紀閣再去成功大學颱灣文學係讀博士學位，四鼕後提著博士（2004～2008），閣四鼕瞭後提著教授職位。現此時擔任國立颱中教育大學颱灣語文學係特聘教授兼係主任，以及十二年國民基本教育語文領域（閩南語）課程綱要研修小組召集人、教育部國民小學師資培用聯盟本土教育學習領域教學中心主任、國傢語言發展法之研究與規劃主持人、教育部本土教育委員會委員兼人纔培育組召集人、教育部本國語言推動委員會委員等職務；也參與國際性的文學組織，擔任世界詩人聯盟（World Union Of Poets）總顧問（義大利）、世界詩人聯盟（World Union Of Poets）國際董事（颱灣分會會長）、國際作傢首都基金會（Writers' Capital International Foundation）榮譽顧問（印度）、世界各族人民作傢協會（World Nation Writers' Union）颱灣首席代錶等職務。

　　將近30鼕來，我真少有機會歇睏，定定一個人作三、四個人的工課，創作颱語文學、拚命推捒颱語、研究母語文學、建構母語地位、建立師資培育的機製、草擬國傢語言發展法、研擬12年國民教育本土語文（閩南語文）課綱等。我恬恬做、踏實做、勻勻仔做、穩穩仔做，我無興喝口號、行街頭、齣風頭，因為彼定定會變成英雄主義的個人秀，成就個人，煞對大局無啥幫贊。

　　到今我齣版有九本颱語詩集，其中兩本有外文翻譯版（英文、濛文），另外閣有一本颱、英對照版、一本颱、華、英對照版：分別是《阮阿母是太空人》（1999）、《予牽手的情話》（1999，颱、華、英對照版）、《白鴒鷥之歌》（2001）、《將颱南種佇詩裡》（2002）、《方耀乾颱語詩選》（2007）、《方耀乾的文學旅途》（2009）、《烏／白》（2011，颱、英對照版）、《颱窩灣擺擺Tayouan Paipai》（2011，另有英文版，颱灣）、《我腳踏的所在就是颱灣》（2017，另有濛文版，濛古國）。對頂麵詩集的名稱，各位應當看會齣我的創作題材是對我上親近的爸母、某囝、故鄉開始，然後擴充到颱灣、世界按呢的順序書寫的。遮的題材我會繼續寫，畢竟這是咱生活的時空。除瞭這以外，我共我的視野閣擴充到地球以外佮非物質的時空，所以這馬我當咧寫《宇宙俳句》以及一寡探討靈魂、信仰的作品。我的一切來自爸母佮母土，我會行嚮怹，閣藉著怹的力量飛嚮世界。我的詩也予人翻譯作英文、日文、西班牙文、土耳其文、濛古文、孟加拉文等發錶。

　　另外閣有齣版六本研究颱語文學的專書，以及數十篇論文：《颱語詩人的颱灣書寫研究》（2004）、《颱語文學的觀察與省思》（2004）、《颱語文學的起源與發展》（2005）、《颱語文學史暨書目彙編》（2012）、《對邊緣到多元中心：颱語文學ê主體建構》（2014）、《颱灣母語文學：少數文學史書寫理論》（2017）。

　　二、我的文學創作觀

　　文學創作會使是救世之道，會使是靈山修行之旅，會使是一種自我救贖的方式，當然也會使是趣味好耍的把戲，也會使是趁錢的工具佮成名的途徑。毋管目的是按怎，我認為詩人（抑是作傢）總是愛誠心誠意麵對傢己的靈魂，你袂使欺騙你傢己。

　　我的一切來自我失去的颱灣母土佮颱灣傳統，所以我的文學創作是一種走揣自我的過程，一種自我救贖的方式，也是一種對抗這個世界的方式。

　　詩是一種藝術品，是一蕊花、一欉樹、一隻動物、一塊礦物，是生命絞滾的故事佮心情。所緻，扶挺的詩毋是詩，假仙的詩毋是詩，無病亂哼的詩毋是詩。

　　總講一句，我的文學創作是一種我傢己佮世界對話的方式，一種證明我存在的方式，一種愛的化身佮呈現。

　　（一）啥是詩人

　　寫詩的人就是詩人。不過按呢的定義是廢話。

　　文學創作雖然是虛構的，毋過比歷史較真實。真正的詩人無欲講白賊話，伊隻是透過虛構來講老實話。詩人毋是道德傢、毋是愛國者、毋是慈善傢、毋是上帝，毋過伊有一支尺、一座天平咧測量傢己的良心。詩人的道德、愛國、正義毋是霸權式的整體主義（Totalitarianism），詩人的道德、愛國、正義是徛踮弱勢者彼爿的自由主義（Liberalism）。詩人的道德是用來要求傢己的，毋是用來要求別人的。

　　詩人雖然會使用綺麗的詞彙來嗬咾媠，毋過詩人更加是講真話的人。詩人講真話是因為伊心內有善，心內有正義。詩人無應該為著嗬咾媠，刁故意忽視現實真相的烏魯木齊，甚至講白賊，若按呢伊就毋是真正的詩人。詩人無應該是徛踮石頭彼爿，去嗬咾強權者。詩人應該徛踮雞卵彼爿，佮弱勢者同悲、同喜。所緻，詩人定定是孤單的，詩人也因此常在佇烏暗、孤寂當中，並且時時刻刻佮烏暗、孤寂戰鬥。

　　真正的詩人一定毋是偽君子。詩人無應該是一個偽善者，無應該一麵共傢己塑造成一個神聖的君子，一麵閣掩掩揜揜不擇手段追逐名利，甚至講白賊來漂白傢己的惡行的人。

　　詩人無欲講別人的話，乾焦講傢己的話，因為伊毋是代言人，毋是傳話筒，伊毋是鸚哥。詩人隻是伊傢己，伊乾焦聽伊傢己的良心。

　　為名、為利寫作的人毋是真正的詩人。詩毋是工具，詩毋是宣傳品。

　　詩人毋是藏鏡人，所以詩人袂佇後麵中傷別人，也袂使使（sái-sú）人中傷別人。

　　詩人毋是審判者，所以詩人袂用極權式的道德、愛國、正義的頭箍去箍絚別人的意誌。

　　詩人寫作的時麵對的是傢己。毋管伊戴的是啥款麵具、毋管伊的隱藏讀者是啥人，伊攏是咧嚮伊傢己的靈魂對話。

　　詩人必然知影伊注定孤獨的命運，伊透過這個命運，去創造理想的世界。雖然徛踮烏暗當中，毋過詩人毋驚烏暗，因為伊是一葩燄火，伊就是光明，伊就是發光體。伊將韆古暗暝當做舞颱，獨立抵抗烏暗的大軍，毋免戰鼓咚咚，毋免軍旗飄飄，伊一人佇韆古暗夜獨舞。因此，詩人就親像流星，堅定莊嚴嚮前飛，一麵燒盡傢己，一麵照光萬古的夜空。