落西北雨的下晡 pdf epub mobi txt 電子書 下載 2025

推薦序 用日常生活做根底，寫齣媠氣的文體 嚮陽
作者序 一個樂觀的期待 劉靜娟

輯一 膨風無犯法
麒麟鹿走去矣
一支麻竹筍
教堂vs.動物園
膨風無犯法
若掠水雞的
毋敢講鳥鼠
予你等遐久
變身？
這是假的
食枝仔冰，看電影
媽媽逐去隔壁莊看戲

輯二 我傢己宣布當選
連續劇報馬仔
好穿就好
阿彌陀佛拜四食飯團
做夥講古
落西北雨的下晡
關自在
阮兜的喙罨樹
目睭內有蠓仔咧飛
我傢己宣布當選
煮食的心情
門口的青菜果子
麻油龍眼卵
你有載具無？

輯三 你欲叫排骨抑是三文魚？
欠一條筋
戇猴抾石頭
買一塊柴砧
放大瞭後
鋏布尫仔
莫買上好
縛佇樹仔的韆鞦
泡麵的滋味
餐桌勿語
你欲叫排骨抑是三文魚？

輯四 花盆的小自然
語言的吸收
罔聽當做修養
結局
食飽未？
無愛予伊知影我咧想啥
矸仔內的毛筆
號名
模仔好
濃縮的人生
電話簿
包冊的紙巾
名片
花盆的小自然
救一欉雞卵花
歹勢，多謝

輯五 我講一個笑話予你聽
一領花仔衫
無仝的看法
好彩頭
想欲變肥
年紀就是履歷？
病歷比輸贏
我講一個笑話予你聽
我個人的感覺
省三十箍
眼緣
做小生理嘛著愛有責任感
幾若個五分鐘
看久就慣勢矣
你的疼是幾分？
有拜有保庇

輯六 問甲一枝柄
呼請記持
逐日咧臆謎猜
你敢袂記得矣？
你知影我是啥人無？
少年的有佇厝無？
無人欲共你買
菜瓜水
清一跤柴箱仔
頷領反麵的衫
罔做議量
點油抑是點痣？
問甲一枝柄
海瑞兵，會食袂相舂

輯七 若無，你趁錢欲創啥！
五仁的人
我毋敢講
真想欲傳予伊
好好仔切菜、煮菜
規矩的人生
早起時的笑容
會當做鏢來射
有氣魄的媽媽
查埔人的怪癖
話uì鼻空齣來
買豆腐無？
若無，你趁錢欲創啥！
親像土地公
規日攏袂無聊
先生緣，主人福
這個醫生趣味趣味

 

推薦序

用日常生活做根底，寫齣媠氣的文體
讀劉靜娟散文集《落西北雨的下晡》       嚮陽

　　劉靜娟前輩是咱颱灣誠資深的散文傢，伊自1958年就佇《中央日報》副刊發錶作品，到今猶是拍拚咧寫，攏無停睏。自少女時期寫到今，伊的作品主要是散文，已經有《歲月就像一個球》、《咱們公開來偷聽》、《被一隻狗撿到》、《布衣生活》、《輕鬆做事輕鬆玩》、《散步去》等二十外本冊齣版，代錶作《眼眸深處》捌著過國傢文藝獎、《笑聲如歌》嘛捌得著中興文藝獎章，2018年又閣因為伊的文學成就得著彰化縣磺溪文學特別貢獻獎的肯定。伊一路寫作，愈寫愈好，親像一欉芳花開甲黃錦錦的七裏香。

　　除瞭文學創作以外，劉靜娟嘛是一個關係颱灣文學傳播的編輯人，伊捌擔任過《颱灣新生報》的副刊主編十六年，毋管是提供颱灣作傢發錶作品的平颱，或者是栽培颱灣文壇的新人，伊攏真盡心咧做，佇兩大報副刊比大牌、仙拚仙的階段，伊用心經營新生副刊，予誠濟新生代作傢發穎齣頭的機會，對戰後颱灣文學的傳承、生湠做齣誠大的貢獻。

　　做一位有編輯身分的散文傢，劉靜娟的散文參伊仝世代的作傢有無相仝的所在。進前伊的散文雖罔是用華文創作，猶毋過攏取用咱颱灣社會、日常生活的素材，伊寫普通人四常咧做的代誌，寫身軀邊纏跤絆手的工課，寫人間世事，寫人情義理，攏會當寫甲真活潑、真心適；伊真𠢕運用笑談的技巧，寫齣予讀者綴咧笑、綴咧流目屎的小故事，而且會當得著真濟人生在世的啟示。這參伊的目睭誠利，真𠢕觀察四箍圍仔的事物有關係，嘛佮伊樂觀、愛講笑詼的天性有誠大的關聯；閣加上伊長期擔任編輯的經驗，知影著愛按怎寫，纔會吸引讀者愛讀，予讀伊的文章的人愈讀愈心適、愈看愈趣味。

　　劉靜娟參伊仝世代的作傢上無相仝的，是伊佇七十六歲這年，2016年，毋但猶閣咧寫作，而且開始用颱語來寫散文，伊是愈老愈勇健的作傢，連少年傢嘛綴伊袂著。四鼕後，2020年，伊推齣頭一本颱語散文集《驚驚袂著等：劉靜娟的颱語時間》，隨引起文壇佮讀者的注目。伊用「驚驚袂著等」做這本散文集的冊名，除瞭這是其中一篇散文的篇名，嘛有鼓勵咱人著愛勇敢落去做，纔會當予別人知影你有偌好的深意。這本散文集有劉靜娟過去寫作的風格佮特色，攏是用伊日常生活做根底，透過笑談寫齣來的小故事；上大的突破，就是伊食到老、學到老，認真拚勢學習颱語文寫作的精神佮成果。

　　三年瞭後的這時，劉靜娟閣再推齣第二本颱語散文集《落西北雨的下晡》，進一步展現齣伊的颱語散文已經捎著活用颱灣日常話語的鋩角，颱語的枝葉佮飽仁，佇伊的行文佮故事內底盡展，伊寫的攏是伊的日常，攏是伊接觸的大細事。譬論看畫展、看韓劇、張鳥鼠、紩褲跤、食枝仔冰、看電影、食泡麵；寫媽媽逐去隔壁莊看戲、傢庭旅行、去公園食飯開講、朋友做夥講古、煮食的心情；使用「載具」笑詼代、買柴砧切菜、鋏布尫仔的體驗、網路、麵冊、整容……。遮的大細事，大概攏是咱逐傢仝時的經驗；文章內底寫的，嘛是咱逐傢攏會拄著的代誌。劉靜娟將遮的事事項項攏寫落來，單篇來看是真精彩的散文，有內涵的故事；閤做夥來讀，對寫字畫圖到數位網路、對煮食到旅行、對莊跤到都市，就是新世紀颱灣人生活的真實圖像。

　　關係颱語字詞的運用，劉靜娟落筆嘛誠媠氣，早期農村的俗語佮現代社會的新詞，伊寫甲真自然、真心適，比如「麒麟鹿」和「長頸鹿」的用語精差，「鳥鼠」、「nezumi」佮「Mickey」的三代用語慣勢；閣比如〈你有載具無？〉這篇，寫伊去百貨公司買物件，店員問伊是毋是會員？有Happy Go無？閣再問「你有載具無？」規篇寫齣現此時颱灣颱、華、英語互相透濫的現象。這篇的落尾段按呢寫，寫甲誠紲拍：

　　雖然落伍，眼前我猶是無拍算去下載「雲端載具」，心內想：「雲端的載具敢毋是熱氣球抑是飛行傘較閤意思？」朋友講我應當去寫兒童故事。

　　另外，〈買一塊柴砧〉這篇尾段嘛收束甲真媠氣：

　　不過，我上佮意的是切、剁食材時tok tok的聲；塑膠砧無這款聲勢。無論細聲、重聲的tok tok，聽起來若專業師傅的手路，也予我聯想著華語成語『咄咄逼人』和『咄咄怪事』。（毋知我是咧逼啥人、看著啥怪事？）

　　猶有〈語言的吸收〉這篇，用輕鬆的寫法，討論日常生活語言的透濫，寫甲嘛趣味。伊舉的例，親像「吸收」（損失的我傢己吸收）、「顏值」（伊的顏值真懸）、「指數」（顧人怨的指數），佇咱這個時代攏是逐傢常在講齣喙的話，「吸收」入來颱語散文內底，遮呢自然，「段數」（だんすう）嘛不止仔懸。

　　誠歡喜會使提早拜讀前輩作傢劉靜娟這本《落西北雨的下晡》新冊，透過伊寫的散文，咱會當看見颱語文學的新坎站已經到矣。麵對數位科技的快速發展、網路媒體的新詞愈來愈濟，咱的日常生活語言嘛綴咧增加，攏對發展中的颱語文學造成誠大的挑戰，毋過嘛提供有誌開創新局的空間。劉靜娟用日常生活做根底，活用俗語，採納新詞，寫齣媠氣鮮沢的文體，檢采是一條開闊的大路，值得咱予伊熱烈的噗仔聲。

自序

一個樂觀的期待
《落西北雨的下晡》序　劉靜娟

　　見若去彼間燒雞店買雞腿，我攏會順紲買一包筍乾；筍乾是用雞湯滷的，好食。

　　筍乾的缺點是「長拖拖」；應當是筍乾一條一條剺落來煮，無切；逐遍筍乾囥入去深盤內底，我著用鉸刀橫的、直的亂亂剪。後生講：「長拖拖？毋捌聽過這款講法。」我講：「我學阿媽講的。」

　　阮大傢看我穿長裙，講：「穿長拖拖的裙，毋驚跋跋倒。」伊的講法和阮後頭厝的無仝，阮講「躼躼長」。躼，音lò。躼跤的若貧惰，人就講鬥句：「跤躼手躼，骨力食，貧惰做。」

　　不過，形容筍乾抑是長裙「長拖拖」比「躼躼長」較有畫麵，敢若長到拖塗跤矣。

　　我講某乜人掠做傢己偌本等，「其實嘛如此如此爾爾。」

　　朋友問我彼是啥意思？我講差不多是「譀譀，普普仔」，可比：「講伊偌巧、偌精光，我看嘛普普仔爾爾。」

　　不過，講「如此如此」較活潑。咦，和英語的so so仝款意思啊。

　　朋友約齣去食飯，我講無愛，「今仔日，人無清彩。」伊講你是欲偌精彩？我講意思是精神無好啦，就是華語的『無精打彩』。

　　生活當中，總是會齣現一寡較「奇巧」的颱語。

　　這本《落西北雨的下晡》，和我第一本颱文冊《驚驚袂著等》仝款，題材攏是日常生活。看畫展膨風講傢己也會曉畫；和朋友討論連續劇；媽媽愛看歌仔戲，講古予阮聽；食泡麵的滋味；共颱語講瞭足好的少年店員買柴砧；戇戇仔教拍電話來詐騙的查某人治感冒的祕方；世界瘟疫流行，覕佇厝內「關自在」；和同學佇公園做夥講古，看粟鳥仔那食白飯那踅踅唸；佇群組分享煮麻竹筍的食譜；有歲的人「展」傢己的病歷；和病友互相參考按怎對付坐骨神經疼等等。

　　寫颱語較厚工，一個詞╱一句話無確定，著愛查辭典，和朋友、姊妹討論，問專傢。毋過，也因為用較濟工夫，寫齣來的文字比華文的較實櫼。而且，真濟積佇頭殼內底的颱語，會忽然間浮齣來；幾十年毋捌聽過的話，也雄雄走來我的指頭仔頂頭；予我體會著「母」語的神奇。日常所思所想，若用颱語錶達，也較溫暖、心適。有這種感覺，除瞭彼是我少年時的語言，也因為大部份是阮媽媽和阮大傢講的。

　　所以，寫短文，我就慣勢用颱文，纔閣有這本颱文冊。

　　這本和三年前齣版的《驚驚袂著等》有一個無相仝的所在，第一本的註解綴佇字詞後麵；第二本，採納多數朋友和麵友的建議，徙到逐頁的下麵。按呢，內文較清氣，搜揣也袂睏難。

　　逐頁標齣來的註解真濟重複，可比遮爾（這麼）、遐爾（那麼）、囥（放）、揣（找）、佇（在）、佮意（喜歡）、蹛（住）、順紲（順便）、兜（傢）、綴（跟）、紲落去（接下來）、覕（ 躲）等等。

　　若是學會曉遮的基本用詞，讀我的颱文就無睏難。這兩年，颱文作品的齣版有較興，予我有一個樂觀的期待：有一日，毋免附加註解，逐傢攏會當輕輕鬆鬆讀颱語文，佮讀華文仝款。

　　講倒轉來，讀我的冊有睏難也無要緊；一個朋友講伊足認真讀，毋過，一半篇讀著有較忝，竟然睏去。這嘛真好，這個時代，睏袂去的人真濟，讀我的颱文總是比食愛睏藥仔較健康。