具体描述
真情99、真情久久。 人生情感的纪录，情意感动的歌诗。 人生是足济情牵缠做伙的一出戏。长年注心本土语文教学佮创作的作者韩满，将伊对日常生活、人情世事的观察佮体会，分作亲情、翁某情、师生情、朋友情、有情、真情六种情。将这本散文集号作「真情99」，向望逐家久久长长，拢会当用真情相对待，予人生美丽圆满。 人佮人之间真情对待，会引起感动，无仝款的对象，也有无仝款的情感佮故事，对性命、对岁月当中不断生湠出来。韩满用亲切的台语，有话就直透讲，有情就直透写，替人说真情，无定若你、无定若我，用温柔的气口，佮你交陪。
著者信息
作者简介
韩满
嘉义市国小老师兼本土辅导员退休，现任幼颖儿童台语文学总编辑、台湾歌仔册会理事、嘉义市母语文化学会理事、台文战线会员、台文笔会会员。
陆续编写本土教材，阁制作绘本故事册「闽南语尪仔册」、「巧新妇」……等，2017年出版台语诗「酒蜜100」。写作、採录、导览、答喙鼓、编剧、演戏等逐项来。96年得着教育部闽南语绩优人员、97年教育部本土文学创作新诗第二名、散文佳作。99年海翁全国台语囡仔诗比赛第一名、103年绩优台湾文史教育有功人员。嘉义市参赛的教案、写作、演讲、朗读、答喙鼓、电子绘本……等，毋管家己参赛抑是指导囡仔定定着头名，退休了四界去讲台语课，有台语诗、散文、演讲、朗读、答喙鼓、电子绘本、认证等相关课程佮做评审。
从早到今对台语写作的热情犹原无变。 2017是100首的台语诗集【酒蜜100】，绁落去共人生的各种感情汇集起来，编写一本台语散文集【真情99】。
韩满
嘉义市国小老师兼本土辅导员退休，现任幼颖儿童台语文学总编辑、台湾歌仔册会理事、嘉义市母语文化学会理事、台文战线会员、台文笔会会员。
陆续编写本土教材，阁制作绘本故事册「闽南语尪仔册」、「巧新妇」……等，2017年出版台语诗「酒蜜100」。写作、採录、导览、答喙鼓、编剧、演戏等逐项来。96年得着教育部闽南语绩优人员、97年教育部本土文学创作新诗第二名、散文佳作。99年海翁全国台语囡仔诗比赛第一名、103年绩优台湾文史教育有功人员。嘉义市参赛的教案、写作、演讲、朗读、答喙鼓、电子绘本……等，毋管家己参赛抑是指导囡仔定定着头名，退休了四界去讲台语课，有台语诗、散文、演讲、朗读、答喙鼓、电子绘本、认证等相关课程佮做评审。
从早到今对台语写作的热情犹原无变。 2017是100首的台语诗集【酒蜜100】，绁落去共人生的各种感情汇集起来，编写一本台语散文集【真情99】。
图书目录
图书序言
我欲做好囝
大雨落甲phik-phe̍h叫，雷公霆甲khinn-khenn叫，阿蕊仔伫高速公路驶车，虽罔雨遐尔大，虽罔雷公烁爁 予伊诚惊惶，毋过，想着阿雄仔这个后生，伊就啥么拢毋惊，一直勇敢向前行。
坐伫车内的阿雄仔看雨捽仔捽甲雄戒戒 ，外口嘛是雾嗄嗄。伊想起过去、想着未来，希望这阵大雨会当共过去的种种洗予清气，希望未来----希望未来莫予阿母操心。阿雄仔有几若摆一直想欲看车窗仔外口，毋过一直看袂出去，毋知家己的未来伫佗位，敢会像车窗仔外口遐尔雾？
想着昨下昏暗假释转来到厝，阿母看着伊转--来欢喜甲目屎含目墘，阁一直讲转来就好、转来就好！叫伊迒 过烘炉火了后，随捀一碗猪跤面线予伊食，绁落????伊去公妈厅，先点三欉香共祖先禀报阿雄仔这个孙仔转来矣，阁叫阿雄仔跪落来共祖先忏悔……，种种的动作，毋知已经做过几摆啰！「希望这是上落尾的一摆」，阿雄仔伫心内共家己按呢讲。
车驶落苗栗的交流道了后，一下仔就开始peh山，后--来宽宽仔盘山，愈peh愈悬，这阵，雨沓沓仔较细，来到山顶尾熘的时，雨拄拄好停矣！母仔囝两人坐车坐几若点钟，毋但真忝头，心肝内嘛乱操操。毋过落车的时，欶一喙新鲜的空气，跤仔手伸匀一下，煞看着目睭前是一大片开阔、清幽的山坪，阁有青翠、优美的景致，两人拢诚欢喜，原来遮就是『晨曦会』。阿雄仔敢若看着拄浮--出来的日头，嘛看着希望、看着未来。
辅导老师笑头笑面请in入去会客室坐，阁倒茶请in啉。「老师拜託咧，阿雄仔后摆就望老师共伊牵教啰！」「这请你放心免烦恼！」李老师讲解『晨曦会』的同学一工的活动，随后就????in伫会内四界行行看看咧阁做导览。
行来到桥顶的时，桥跤有鸭咪仔伫水里自由自在泅过来泅过去，阿雄仔跤步就按呢停落来，诚细声讲一句「希望我后摆会当像鸭咪仔遐尔仔逍遥快乐」，行做前的老师佮阿蕊仔越头过来，阿蕊仔讲：「阿雄仔行较紧咧喔！」阿雄仔出力共鞋仔底的细粒石头仔倒倒、敲敲出来，伊嘛希望共心中的心魔掷掉、清掉，按呢头前的路就会较顺、较好行。
大雨落甲phik-phe̍h叫，雷公霆甲khinn-khenn叫，阿蕊仔伫高速公路驶车，虽罔雨遐尔大，虽罔雷公烁爁 予伊诚惊惶，毋过，想着阿雄仔这个后生，伊就啥么拢毋惊，一直勇敢向前行。
坐伫车内的阿雄仔看雨捽仔捽甲雄戒戒 ，外口嘛是雾嗄嗄。伊想起过去、想着未来，希望这阵大雨会当共过去的种种洗予清气，希望未来----希望未来莫予阿母操心。阿雄仔有几若摆一直想欲看车窗仔外口，毋过一直看袂出去，毋知家己的未来伫佗位，敢会像车窗仔外口遐尔雾？
想着昨下昏暗假释转来到厝，阿母看着伊转--来欢喜甲目屎含目墘，阁一直讲转来就好、转来就好！叫伊迒 过烘炉火了后，随捀一碗猪跤面线予伊食，绁落????伊去公妈厅，先点三欉香共祖先禀报阿雄仔这个孙仔转来矣，阁叫阿雄仔跪落来共祖先忏悔……，种种的动作，毋知已经做过几摆啰！「希望这是上落尾的一摆」，阿雄仔伫心内共家己按呢讲。
车驶落苗栗的交流道了后，一下仔就开始peh山，后--来宽宽仔盘山，愈peh愈悬，这阵，雨沓沓仔较细，来到山顶尾熘的时，雨拄拄好停矣！母仔囝两人坐车坐几若点钟，毋但真忝头，心肝内嘛乱操操。毋过落车的时，欶一喙新鲜的空气，跤仔手伸匀一下，煞看着目睭前是一大片开阔、清幽的山坪，阁有青翠、优美的景致，两人拢诚欢喜，原来遮就是『晨曦会』。阿雄仔敢若看着拄浮--出来的日头，嘛看着希望、看着未来。
辅导老师笑头笑面请in入去会客室坐，阁倒茶请in啉。「老师拜託咧，阿雄仔后摆就望老师共伊牵教啰！」「这请你放心免烦恼！」李老师讲解『晨曦会』的同学一工的活动，随后就????in伫会内四界行行看看咧阁做导览。
行来到桥顶的时，桥跤有鸭咪仔伫水里自由自在泅过来泅过去，阿雄仔跤步就按呢停落来，诚细声讲一句「希望我后摆会当像鸭咪仔遐尔仔逍遥快乐」，行做前的老师佮阿蕊仔越头过来，阿蕊仔讲：「阿雄仔行较紧咧喔！」阿雄仔出力共鞋仔底的细粒石头仔倒倒、敲敲出来，伊嘛希望共心中的心魔掷掉、清掉，按呢头前的路就会较顺、较好行。
图书试读
None
用户评价
相关图书
本站所有内容均为互联网搜索引擎提供的公开搜索信息，本站不存储任何数据与内容，任何内容与数据均与本站无关，如有需要请联系相关搜索引擎包括但不限于百度，google,bing,sogou 等
© 2025 ttbooks.qciss.net All Rights Reserved. 小特书站 版权所有