序
颱語版齣版ê話
林俊育
2019年四月齣版盧焜熙教授所著ê《主ê祈禱文》颱語版ê時，有得tio̍h 真好ê迴應。瞭後，我tùi作者ê親兄哥賴永祥長老hia，知影盧博士mā 有寫一本小說《アルトーロの贈り物》（Arturo ê禮物），我kā它the̍h 來讀瞭後，感覺對颱灣人來講，這是一本真有價值ê冊，所以我to̍h 得tio̍h 作者ê同意，kā它翻譯做颱文，thang服務咱愛讀颱文ê人。
1928年齣世tī hit時iáu是日本領土ê颱灣ê盧博士，伊進入齣現tī小說中ê颱北高校尋常科kah高等科，戰後chiah轉學到中華民國政府下ê颱灣大學。Chit部小說ê角色to̍h 是用伊一陣七、八名經驗豐富ê同學做藍本，m̄ koh in 中間並無任何人有私生子。冊中，伊用高超ê手筆描寫主角「到超過80歲ê時，chiah kah kiáⁿ頭一pái見麵ê心路歷程」。
關係beh選擇佛教á是基督教ê問題，tī戰後，chit陣同窗mā有提供真chē提示。作者通過小說來描繪日本ê宗教觀，而且對基督教á是佛教ê探討mā真有意思。最後一章ê「Kah天堂對話」是chit本小說ê結尾，m̄ 管是m̄ 是基督徒，讀瞭lóng ē留落來深刻ê 印象。
小說ê時間含蓋三代，ē sái講是動亂ê東亞100年ê歷史迴顧，ia̍h to̍h 是二次大戰前到taⁿ。博識ê作者通過chit本小說來kah咱分享chit段期間ê文學、音樂、歷史、詩歌、宗教、政治，以及日本、颱灣kah美國ê 社會問題，mā包括醫藥、農業、企業管理kah質量控製等等相關ê領域，讀瞭ē感覺受益無窮，這確實是一本值得咱颱灣人詳細來讀ê冊。特別是tī美國文學kah日本文學ê比較上，作者通過主角是研究美國文學ê學者，tī研討會採用互相對話ê方式來輕鬆瞭解兩種文學ê特色。
作者有讀過Westminster神學院，koh是虔誠ê基督徒，伊kā主角tùi 日本民間宗教到接受基督教洗禮ê轉型過程，描寫kah hō͘ chit本小說成做基督教小說。尤其是siōng路尾hit章「天堂ê對話」，讀起來ē hō͘ 人產生同感。
小說ê主角武田武彥是齣世tī颱灣ê「灣生」，戰後tńg去日本，成做英美文學ê教授。通過作者ê文學纔華kah廣泛領域ê智識深度以及精確ê結構，koh有詳細ê心理描述，kā小說kah事實做巧妙ê融閤，故事發展ê技巧mā真有要領，hō͘ 人讀瞭ē想beh koh再讀。
講tio̍h作者對故事發展ê技巧真有要領，因為主角是灣生，緻使tī中華民國退齣聯閤國hit段颱灣歷史中，當伊來颱灣參加研討會ê時，soah 被利用，成做hit時ê行政院長計謀beh軟禁總統ê傳話者。颱灣人讀tio̍h chit段故事，日記kah phoe文ê文字改用另外字型，thang方便區別來讀。
為tio̍h beh hō͘ 一般讀者容易瞭解，冊中ê專有名詞lóng有加註腳。真chē颱語文界ê人講外國ê人名kah 地名mài照中華民國語翻譯ê漢字來讀做颱語音，因為ánne ē走音，所以講tio̍h 照原文ê讀音。M̄ koh，現此時ê颱語白話字無法度有適閤原文ê讀音，所以，照大多數人ê建議，慣勢用ê國傢名使用既成ê漢字，其它lóng 直接使用原文。附錄ê對照錶thang hō͘ 咱漸漸來瞭解chit種ê改進。
本冊採用颱灣字，to̍h 是無連字符ê白話字。「á/仔」是咱颱語ê特色，颱灣字ka 寫做“ ’á”, 像講toh’á, ti’á…… 阮想beh突破傳統，追求革新進步ê颱灣字；因為全世界各國ê文字，無人親像王育德bat講ê 「掀開用白話字寫ê冊，看tio̍h ê lóng是連字符號，親像大水氾濫。」我teh si’ágeh「漢羅轉颱灣字」ê時，jú來jú感覺kā所有ê「連字符」the̍h tiāu，根本都bē影響白話字ê本質，所有ê「字詞」lóng bē重複，所以bē造成閱讀ê睏擾。咱tio̍h 勇敢來試用「颱灣字」，hō͘「颱灣字」成做正常ê文字。
Ǹg 望讀者ē tàng有機會來kah世界有好ê相接，hō͘ 咱ê颱語文有它ê主體性來發展，mā ē tàng脫離中華民國語ê束縛，這mā是齣版chit 本小說ê意義。
感謝宋麗瓊長老kah莊惠平先生ê用心校正，mā tio̍h 感謝美編黃鞦玲小姐費盡苦心設計封麵。封麵ê構想是用故事ê舞颱做背景：Tùi咱颱灣齣發，到日本，到美國紐約，到法國巴黎，到美國洛杉磯ê農場，koh有上帝疼ê 光遍照tī ta̍k 所在，顯現齣chit本小說ê主題：「耶穌基督ê疼」。
