代序
鄉土文學的深化佮新國族文學
鬍長鬆（吳三連文學獎得主、《颱文戰線》雜誌社社長）
王羅蜜多是活潑的詩人，現代詩的成就誠懸，佮真濟詩社團攏有真好的互動。近期伊成做真有成績的小說傢，2016 年，伊完成第一篇颱語小說〈颱灣維基：選舉虎〉，隨就得著颱文戰線文學獎的小說頭賞。一齣手就有按呢的好成績，非常驚人。伊誠gâu 寫政治、社會的現實，筆尾詼諧、諷刺，是我完全寫袂齣來的颱灣風俗圖（浮世繪）。佇颱灣，有法度描寫遐爾精彩的颱灣風俗圖的鄉土小說傢誠少──當然，彼嘛是別款語言寫袂齣來的小說畫麵。王羅蜜多假若毋捌用華語寫過小說，一寫，就用颱語寫，閣四界得著大獎肯定，予我誠敬佩，嘛欣羨伊生成就有的小
說筆。
颱文戰線文學獎頭等（第一名）的作品〈颱灣維基：選舉虎〉，是寫兩位國民黨議員候選人的其中一位按怎攢錢買票競選的經過。過程寫甲不止仔詳細嘛不止仔緊張，可見作者對國民黨買票有相當深入的熟似。最後這兩位國民黨議員煞予一位無買票的民進黨少年人拍敗，雙雙落選，這是這幾年選舉的真實狀況，是一篇紀實性誠強的小說。這篇小說嘛顯示颱灣文學遝遝仔無閣寫颱灣人的失敗彼麵，翻頭來寫勝利麵的現象，算是誠有意義的一篇小說。小說文字的颱語純正，有厚實的颱灣味。人物描寫方麵，因為集中對一位國民黨議員做描寫，予這位議員變甲相當具體，會使顯齣這種買票議員的荒譀性、歹看相，予人印象真深，對這個議員的內在、外錶的描寫攏誠豐富，非常成功。情節方麵，作者採取順序法書寫，有條有段；情節就算非常豐富複雜、高潮起落，作者猶是會使處理甲誠好，誠有戲劇性。
成做冊名的短篇〈地獄榖〉，是2019颱南文學獎小說首獎。嘛是地方政治諷刺小說，寫實的技術仝款真好，人物佮環境的描寫攏真幼路。作者寫議長選舉過程，議長候選人共議員押去溫泉鄉「招待」的事件。情節的安排趣味，剪裁適當，予人對頭就想欲一直讀落去。尤其特齣的所在，是小說的敘事者對烏暗的地方政治現實有一種超越的眼光佮詩意的評論氣口，比如伊寫：「一間一間酒傢上場，那卡西、喝拳，你兄我弟、燒酒查某，春湧拍規暝。無偌久，溫泉鄉變溫柔窟，抑是供體做英雄塚。」這款優秀的文字，予這篇作品佇詼諧中有譴責，嘛傳達齣有良知的價值觀。這篇作品浮齣佇其他作品之上，是最近幾年颱語短篇小說上好的作品之一。咱尤其會當注意的，是這篇小說的文字描寫的功力，貼近人物佮環境的真實麵，有外錶，嘛有內在，感官性飽滇，閣有作者觀點的一種詼諧，是典型的王羅蜜多的風俗圖風格描寫。佇目前為止的颱語小說創作，這是真誠特齣的錶現，嘛是水準上懸的颱灣社會寫實的小說文字。伊的這種文字，具體展示華語小說猶無法度達到的「仿真」的境界。
〈阿猴〉這篇作品，寫一個本底古意、奮鬥的人，行入地方政壇，按怎予地方黨國政治的惡文化汙染，最後墮落佇罪惡深坑的故事，是典型的自然主義的風俗圖彼款的文藝作品。故事中，阿猴的查某囝時常對墮落的主角，發齣公義、良知的警告。〈喙瀾〉是寫一位假慈善傢按怎墮落佇罪惡的故事，嘛是自然主義的鄉土小說。這篇小說的江湖風塵對話，活踜踜，已經是典範。雖然是自然主義的作品，這篇佮〈地獄榖〉、〈阿猴〉仝款，攏佇墮落的故事內麵，囥一個美善佮良知的角色「燕仔」，予讀者讀瞭袂傷過頭悲觀，加強警世、嚮善的訴求效果。
〈𢯾壁鬼〉是一篇歷史小說，牽涉著噍吧哖事件，閣有颱灣人佇日本殖民時期的認同睏境。技術上，這是一篇雙重敘事的魔幻寫實小說。敘事的空間有兩條線，頭一條線是故事的敘事者，是對現代迴顧、反省的敘事空間，另外一條線路，是歷史事件的主線，主角是一位做日本警察的颱灣人，伊用日記記落伊參與噍吧哖事件（警方）的心內衝突的心情。這兩條線，透過𢯾壁鬼的形影佮久年前的日本警察所寫的日記牽連起來，是立體的藝術編織。佇內涵方麵，這篇小說有一個重要的所在值得咱思考，是關係日本殖民的現代性佮本土草根的反抗性議題，小說透過彼本日記，共颱灣人麵對「同化」的反省展現齣來，是誠有歷史思想的一篇小說。另外，日記用敢若詩的高密度文字，充滿抒情性，這是真正的詩人纔寫會齣來的美麗悲劇小說。
〈雙眼〉嘛是歷史小說，仝款書寫噍吧哖事件，這篇小說的主題，是佇身世的走揣頂麵。「雙眼」成做噍吧哖主角江定的武器，囥佇遮，象徵颱灣人咧走揣彼款失去的反抗力量的心誌，這是對颱灣被殖民歷史有深沉思考的小說。這篇小說採用散文式的鋪排，仝款有詩密度的美麗文字。
〈貓霧光〉寫一對大傢新婦的特別感情，雖然錶麵有時會觸喙，毋過因為新婦的體貼佮用心，後來予大傢懷念的故事。用意識流的手路，共兩個查某人之間的心理牽挽描寫甲誠幼路、溫暖，嘛顯示齣目前傢庭結構佮大傢新婦的關係寫實的一麵。
〈石頭佮鐵枝〉藉兩個東引做兵的仝梯朋友的故事，寫齣1980年代彼時外島兵的情形佮部隊官僚的現實麵。一幅一幅速寫的筆尾是輕鬆的，毋過，現實麵嘛會予人想起彼個時代殘酷的政治現實，是彼個時代重要的側錄。
對以上這幾篇小說，咱大約會當歸納齣王羅蜜多上起頭這個時期的小說，主要是這三種類型的作品：第一種，是〈地獄榖〉、〈阿猴〉、〈颱灣維基：選舉虎〉這類描寫舊式黨國政治惡質文化的作品，文字有足深的風俗圖氣味佮警示性；第二種，是〈𢯾壁鬼〉佮〈雙眼〉這款有象徵性佮反抗殖民意識的歷史小說，通常是用有詩意的文字來對比歷史、人情的悲劇性；第三種，就是〈貓霧光〉、〈石頭佮鐵枝〉佮多數極短篇的作品，採取散文式的素描，嘛是對傢庭、社會實況的速寫，用有情的文字線條傳達齣人間幼路人情的放伴。事實上，這三種類型的作品，攏是颱灣對1970 年代以來的鄉土文學時常齣現的主題，嘛攏是徛佇對土地、對社會、對人民上深刻的關心頂懸。隻是，王羅蜜多的作品閣較進一步用颱語書寫，予鄉土文學所強調的寫實性，佇伊的作品內麵達到過去鄉土文學描寫傳達袂到的現實細節，嘛予讀者上直接、深刻的體會，這是鄉土文學的深化。
另外，尤其重要的是，伊的這幾類的作品，讀瞭後會予咱對颱灣的政治佮社會現況，有整體性的理解，讀者一方麵掌握著小說之中的颱灣人普遍的感情實體，一方麵，嘛會對過去外來舊式的黨國政治結構有深刻的體認。我相信，這本小說集，嘛通講是咱颱灣新國族文學上蓋可貴的收成之一。伊將會一直留佇文學史，予後來者一直來參考佮研究。
話頭
用母語搜掀土地的記持
五年外前開始投入颱文寫作，一年比一年較拚勢。窮實，我發現用母語思考，用母語創作，會搜掀齣自細漢到今，對齣世佮生長的這片土地的記持。佇這個充滿性命經歷佮生活體驗的環境中，有誠濟故事，會一層一層浮上心肝穎。這內底有情節，有對話，有場景，𪜶捌予時間的水湧沖散去，淡薄去，毋過，這馬佇母語的書寫過程中，遝遝仔閣迴轉來，變成寫作的資料。這種現象，尤其佇颱語小說上明顯。
二十外鼕前，我無意中讀著陳雷的一篇短節小說，受著感動。細漢除瞭讀冊，颱語就是我生活中上捷使用的語言。這篇用颱語寫的小說，內底的對話、描寫，參生活中的語言情境是遐爾仔鬥搭。彼時陣，心內自發性產生學習颱語寫作的動機。不而過，可能機緣猶未到，我佇參加過幾若擺菅芒花讀冊會瞭後，因為場地移徙，我也無積極去探聽，這葩颱語寫作的火種煞閣化去（hua--khì）。
二十鼕後，因為接觸著「颱文戰線」，這葩文火閣再著（to̍h）起來。起先，寫誠濟颱語詩，也誠幸運著過一寡文學獎。閣來，散文、小說，陸續有作品齣來。後來愈來愈順手，會使講閬時無閬日，逐工寫，也逐工共颱文作品囥上麵冊。
到今，我的颱文寫作較臨二十萬字，已經齣版過《鹽酸草》、《王羅蜜多截句》、《日頭雨》、《大海我閣來矣》四本颱語詩集，另外一本《颱灣史蹟草木颱語詩集》已經完成，當咧校正補充。作品中占上濟字數的是小說。
五年來寫的小說，雖然無算足濟，毋過經過選擇、整理，也抾齣十七篇。其中包括八韆至一萬五韆字中間的短篇小說九篇，一韆至三韆以內的極短篇八篇，攏總十萬捅字。內底包含一寡著過文學獎的、佇雜誌刊登的，抑是毋捌發錶過的，共集做一本《地獄榖》颱語小說集，雖然毋敢講非常豐富，也已經涵蓋政治、歷史、愛情、親情、友情、人性諷刺、奇幻、怪譚等等各種無仝款的題材，逐篇小說的寫法也略略仔有變化。
我時常騎鐵馬佇府城玲瑯踅，也定定坐踮超商、飲料店寫作。趣味的是，最近遐顧店的少年傢、小姑娘，若輪著我買物件，就換講颱語。我心內想，逐工拍拚颱語創作，已經有颱語麵腔，身軀也有颱語味矣！齣版這本颱語小說集是誠重要的一步，日後拍算更加認真寫落去。
王羅蜜多
2021/1/21 寫佇大目降畫室
