☆☆☆☆☆
简体网页||繁体网页



点击这里下载

类似图书 点击查看全场最低价

一个故事的流传，一订有他背后的生活背景与文化内涵。李文古故事在大陆原乡为人津津乐道的是，他将杜牧的「清明诗」改为「清明时节两纷纷」来讽刺改朝换代时，变节仕清的读书人，这恐怕是众多「人物故事」中，李文古故事传扬不衰的原因，这也可能是客家「硬直」精神的体现。

　　客家委员会补助出版

作者简介

吴余镐

　　台湾桃园人1952年生

　　学历
　　霄里国小、省立中坜中学初级部、
　　新竹师专、台湾师范大学国文系毕业、
　　中正大学中国文学研究所硕士

　　经历
　　国小、国中、高中、大学教师

　　着作
　　《台湾客家李文古话本有声书》
　　《台湾客家李文古话本》
　　《台湾客家李文古故事研究》
　　《唐诗三百首演绎》
　　《唐诗三百首导读》
　　《古典诗入门》
　　《中华对联大典》系列(四本)
　　《童诗‧童诗》

序
古国顺教授序
何石松教授序
刘醇鑫教授序
自序
凡例
楔仔──〈天正两只屎朏恁高定定〉
第一回　〈李文古食屎〉
第二回　〈么人跌落陂塘〉
第三回　〈同逐个细妹仔吣嘴〉
第四回　〈东西毋记得拿吔〉
第五回　〈偷㓾鸭〉
第六回　〈阿叔过南洋〉
第七回　〈尿急有药方〉
第八回　〈响屁毋臭〉
第九回　〈老叔爱尽盅〉
第十回　〈清明时节两纷纷〉
第十一回　〈哔叭声其鲶乎〉
第十二回　〈典出敝乡〉
第十三回　〈古之人〉
第十四回　〈劝叔姆分阿叔讨细姐〉
第十五回　〈三日秀才〉
第十七回　〈家僮仔揹磨石〉
第十八回　〈先生这垤好〉
第十九回　〈毋好空心肚去分人请〉
第二十回　〈食洗镬水就好〉
第二十一回　〈一笑大餐〉
第二十二回　〈真老乌龟〉
第二十三回　〈巧计赢官司〉
第二十四回　〈整治「清官」〉
第二十五回　〈李文古管无礼〉
第二十六回　尾声──〈妄想个味绪〉

第一回   〈李文古食屎〉

老古人言讲得好：「人会算，天会断。」人出世平平都系来做人，毋好缺亏人，也毋好得失人 。爱知哟：天有目，神会看。千算万算，不如天来断。

「唉哟，也莫恁冤枉那。」
天吂光，先生还目睡摸些䟘起来行到灶下，就哕喤杀天 个喊起来咧：
「这系么人恁孤盲，仰搣这一团在碗项装？」

就看佢捻等鼻公，退着两步在栈橱 兜 出一碗「屎」来。
原来昨晡下昼爱放学个时节，李文古正收等书包，就听着药店仔个赖仔阿清头，摎舂米所 个阿岳牯，两侪 偷偷仔在该参详 ：
「文古该猴仔，长透整治这兜。天光日，俚来摎佢捉来灌屎爱无？」

「好啊，早就想搣一摆佢悿悿 来。」阿岳牯讲：
「你想爱仰般来做？」

阿岳牯爪等头那问阿清头。
「天光日你去先寻兜 狗屎来，伸个看就好吔。」

阿清头阴阴仔笑等，佢看着李文古还吂走，就无过讲下去。李文古也揹 起书包转屋去咧。
「叔姆，叔姆。」一转啊到屋下，李文古就大声胲个喊等。

「做么个？文古。你喊魂呣？」
叔姆在灶下躘出来，手项还擎等镬铲：
「猪仔餵餵滚 讨食吔，人还无闲在该炆猪菜呢。」

叔姆撩起围身裙，捽忒额头顶个汗，问李文古。
「叔姆，屋下还有黄豆仔无？」

李文古放忒揹等个书包问厥叔姆。
「怕还有啊，上摆做豆豉 还伸有一息仔在米房 脣，毋会去看呣？」

叔姆应佢，又问佢：
「爱做么个系？」
「无啦！先生讲天光日爱教么个『家政』，学煮食哇。……」

李文古嘴肚应等，就走落间肚，在米房脣寻着成半粄袋个黄豆仔，用碗舀着一碗来，又走到灶下，寻着一只细镬仔，摎风炉起起火，就乱交打横个炒起黄豆仔来。

「文古，风炉个火毋好恁勐 ，正毋会炒到臭火????。」
叔姆鼻着臭火烧味，摎李文古讲。
「好，知啦。」

李文古嘴肚应等，就看佢在风炉里肚，抽忒几支樵来，火一下就较馁 吔。
「文古，好咧，毋好炒忒过火 。」
叔姆个猪菜炆好吔，有一息仔闲，佢行过来看。
「恁样较香。」

李文古笑嘻嘻仔讲等，顺手擐起细镬仔，摎炒好个黄豆仔倒到舂臼 肚，就放势个舂等。一下仔，一碗黄豆仔就畀舂到粉都无恁幼 。      

「叔姆，过分两条蕃薯好无？」李文古问叔姆。
「爱毋会自家去拿，该大眠床下还一大壁角。」

厥叔姆应等，擐等汁 摎正炆 好个猪菜就去餵猪吔。
李文古听讲，走到大眠床间，在眠床下寻着两条黄蕃薯，又走到灶下去煠 蕃薯。无一下仔，蕃薯煠熟吔。佢先摎皮剥忒，又摎蕃薯放落舂臼肚亼 到绵绵，蕃薯攞 等黄豆粉一下仔就合到共下，就像打粄仔共样。

None

大陆客家原乡李文古话本 电子书 下载 mobi epub pdf txt 2024

类似图书 点击查看全场最低价

查看全网最低价