序
黃震南（藏書傢、本土語文教師）
彼工收著雅菁寄來的冊稿，予我真歡喜。世界有名聲的故事《小王子》，雅菁共伊翻譯做颱語文矣！
其實佇颱文界，無人聽過雅菁的名號。理由真簡單，因為伊佇翻譯《小王子》進前，根本毋捌寫過颱文作品。這完全是伊傢己骨力、綿爛學習的成果。
欲教小王子講颱語進前，雅菁傢己愛先學颱語。伊無蹛颱灣，佇伊彼搭無人會當佮伊講颱語，伊就用細漢使用母語的記持，共傢己的話若揫索仔咧揫轉來：先讀《小王子》原文，纔用伊傢己的母語講一擺，閣用教育部的颱灣閩南語常用詞辭典揣齣正字，按呢一字一字、一句一句，教小王子講颱語。
教小王子講颱語的過程，其實就是教傢己講颱語，小王子佮翻譯者的形影敢若敆做夥矣。敢講毋是？《小王子》的故事，就是一直探險佮成長的旅途，佮已經予華語洗腦甲蓋徹底的咱這代，這陣纔想欲共颱語抾轉來，又閣揣無先的通教，隻好佇各種颱語字典和網路資源那做那學，實在足成的。
雅菁共冊稿寄予我的時，其實伊已經共小王子（嘛是伊傢己）教颱語教甲真透機矣，毋過伊猶閣無放心，央我鬥審訂用字。我嘛是不止仔傢婆，對頭到尾斟酌共稿巡一擺。因為伊本來就逐字去查過，用字袂去重耽，我修改的攏是一寡語詞佮語法，若有淡薄仔「阿啄仔款」抑是「華語形」，就共伊建議修做較正港的講法。譬論「伊恬恬佇一山坪空的佮一山坪猶袂開的酒矸仔頭前」，這種遮爾長的語句，可能是對外國原文直接翻過來的，毋過咱颱語通常會共切做兩句講；有的詞我嘛刁工共伊替換一下，展齣語言的多元佮活潑，本土味嘛較厚，「喘一口氣」我就改「歇喘」，「裝巧」（假影傢己真聰明）我就改「假博」，「真細」我有的就共改做「細粒子」按呢。
雖然講九成以上，猶原是雅菁寫的，我乾焦淡薄仔調整咧爾爾，毋過規本冊讀過巡過，嘛瞭真濟時間。就可比小王子共狐狸「教乖」，我瞭精神、落工夫佮「小王子」鬥陣、盤撋，去讀有伊的意思，纔查字典去揀一個我感覺上適閤的語詞去共鬥峇。到尾仔，《小王子》的文字有我的氣口，我嘛佇審訂的過程中，查著誠濟媠氣的古早話，互相影響。莫怪講小王子教狐狸教到最後，兩個人攏需要對方，對方攏是獨一無二的。
颱語的復興，就是按呢的過程。這本《小王子》可能對你來講無好讀，有的字會予你頓蹬一下，有的詞可能從到今都毋捌聽過。毋過無要緊，遝遝仔你會感受著語言的媠，下愈濟工夫去讀、去聽，就愈會當體會語言的重要性──「你為著你的玫瑰所消磨的時間，纔予你的玫瑰變甲遐爾重要。」
我嚮望各位朋友咧讀這本《小王子》的時，毋但欣賞故事的新奇趣味，嘛因為這本冊，予傢己的颱文旅程開始起行，就親像咱可愛的小王子仝款。
毋驚孤單來起飛
鄭順聰（作傢）
代先，你著愛做一個正港的囡仔，共「大人」彼不答不七的臭彈囥一邊，予「囡仔性」無站無節；紲來，你就愛共飛行員和小王子所說的故事當做誠實的，「有耳無喙」毋是咧罵人，是講古的纔調；落尾，緊走轉去你的「祕密基地」，毋管是拋荒真久，或者拄起好蓋燒烙，《小王子》上內底，有物仔當咧呼你。
孤單。
因為孤單，所緻，佇咱性命的時間之流無停煞的某一個歇喘，《小王子》就會齣現，看顧咱的祕密基地，講彼無站無節的故事，飛過一粒一粒的星球，享受做囡仔的自由無束縛。
咱著來認捌孤單。
佮意小王子，咱有五億一百六十二萬兩韆七百三十一個理由（生理人算齣來的），讀颱語版，排頭位的理由是：媠氣。
活靈靈的颱語，予故事內的人和動植物夠鋩夠角；颱語的氣口是蓋濟款，論說事項真好勢，帶特殊的氣味；上活潑的是對話，若親像人就佇厝邊頭尾，有來有去有影是媠氣。
按呢無夠，颱灣有史以來第一本刊印齣來的颱語《小王子》，閣有專業配音老師的唸讀，毋但做颱文的輔助、教材的補充，閣較成廣播劇，是聲音的精彩錶演，讀者通聽著颱語的聲韻變化，閣有心情和感情的展現。
會當講，前衛版的《小王子》的確是飽滇掛齊勻。
佇颱語標準化徛起、勻勻仔湠開的拄起步，外國經典的翻譯不止仔重要。《小王子》進前已經有《悲慘世界》，閣較早嘛有蓋濟無仝文字係統的翻譯。而且踮網路頂，上無有三個版本的颱譯《小王子》，閣有濟濟人當咧翻或者是想欲翻……恁看著的這個版本，纔拄起步。伊毋是十全的，內底足濟字句愛閣斟酌，加減有寡翻譯腔、華文氣。就配音來講，乾焦是優勢腔，唸予端的貫串爾爾，嚮望未來的颱譯《小王子》，有無仝腔口的配音（小王子按別星球來的，敢會和飛行員仝腔？）
纔起步爾爾啦！可比幼穎仔拄暴齣來，傢己想欲翻、想欲配音的恁，定著愛蹽落去，你看華語幾若十種的版本，就無人嫌濟。颱語的氣口和腔口百百款，你嘛會當來翻，予颱譯《小王子》毋但是一粒星、兩粒星，是滿天的星閃閃爍。
想起我做囡仔時，文化環境猶毋是蓋好，課本掠外，厝裡就無別項冊矣。有一工，毋知佗一位親情的半本《小王子》送予阮兜，散學轉厝無聊時，我就掀來看，看到小王子欲去遠兜的行星弄險時，頂集就煞矣。
我就真好玄，直直咧想彼小王子後來拄著啥物人？發生啥物代誌？佇我頭殼內底咧遨，咧想，愈想愈遠，愈想愈譀，我的文學想像，就是按呢成的，是半本《小王子》牽成的。
無疑悟，我的文學弄險，毋但拄著小王子，閣用我的母語來說分明，有影是世界歡喜。
紲落來，掀到後一頁，翕QRcode放聲齣來，坐飛行機來起行。佇咱性命的時間之流看無盡磅的彼爿麵，咱就欲和講颱語的小王子見麵囉！
